影視

Brokeback Mountain: 李安教識我原來人生有遺憾唔緊要,只要愛過追尋過…人生就無悔了…

1 三月 , 2006  

今日終於睇左<<斷背山>>,比想像中好睇~亦難得一套可以拿獎的電影係睇得明的..hehe

好多人睇完都話無咩感覺…咁係因為d人take錯direction…套戲既theme好明顯唔係講同性戀
李安也不是要為同性戀大平反…所以就算你唔係member都應該感受到李安既message~
同性戀只係個scene…我覺得套戲其實係講一個遺撼..一段感情與夢想的遺憾..
好多人都話pace慢同好平淡…但當中有好多好笑位同detail位都好精彩
我覺得一套戲係咪好睇唔關個pace事,最緊要係你自己從戲中拿唔拿到meaning~
也可以話係韓片的相反,有好多情節都要靠你個人的經歷去感受
沒有經歷過感受當然無咁深…(情形就好似我前年睇張曼玉既<<Clean>>一樣)
不過大家最期待都是兩位主角搞野既場面…當一到佢地搞野時就全場嘩嘩聲
但佢地同老婆搞時大家就無反應…haha

主角EnnisJack經過山上連續幾個月待在荒山野嶺牧羊,生活艱苦、枯燥、乏味
在那種狀況下對僅有的一個夥伴由守望相助的友情而導致發生性慾…好多人睇完都認為佢地唔係gay…
只係for sex或者bisexual…但我就不而為然
Ennis (Heath Ledger)Jack (Jake Gyllenhaal)落山後,Ennis看著Jack就後就大哭起來…
而當隔左四年後兩見時便唔理三七二十一相擁吻起來…之後他們便一年相約幾次去斷背山見面
但當時美國根本唔接受同性戀,更會暴力相待 (就算依家都有一些同性戀者被打死的個案)
所以佢地都係偷偷摸摸的見面…結婚也可能是為勢所迫…
就好似我在前兩個entry post的故事一樣…
依d唔係叫愛情嗎?…唔通你會純粹為同唔到一個人上床而喊嗎?

不過重點是係Jack一直都有一個夢想…就係同Ennis一齊開一個牧場一齊開開心心生活下去
但這最後就變成遺憾…Jack在一次意外中死去…
戲中也有不少detail位….其中最感動的是Ennis以為自己留左一件衫係斷背山唔記得拿走
但當Jack死後Ennis去了Jack的屋企,係Jack的房中搵到那件衫…原來俾佢keep左20年
果下真係好touching!
演員方面,演Ennis的Heath Ledger都ok,不過佢講野就好似"阿Sa講中文"..完全聽唔到
好彩有字幕…haha~而Jake Gyllenhaal演的Jack就較為細膩…
最令我印象深刻就是佢向Ennis講有幾掛住佢有幾愛佢愛佢有多辛苦時那一幕…尤其係Jack喊著問Ennis知唔知那孤獨感覺有多痛苦的時候…真係睇到喊架
而配樂也應記一功,真的可以牽動著整套戲的氣氛,這當然是配樂的作用吧。

李安談《 斷背山 》這個故事時說 : 「每個人心裡都有一個斷背山,只是你沒有上去過。
在斷背山那快樂時光成了Ennis同Jack一生的夢想與追求,儘管最後變成傷痛的遺憾。 
我地平時做好多野都係為左得到別人的認同、讚賞…為的就是得到一份別人的認同…
但作為一個真正忠於自己既人,最重要唔係去得到人地既掌聲,反而係去做自己覺得要做、應做既事…
盡力去盡實現理想~我諗李安都是這樣…他一早諗定《 斷背山 》唔會賣座…只是佢決定忠於自己
李安教識我原來人生有遺憾唔緊要,只要愛追尋過就…人生就無悔了…

未入場睇的朋友仔不仿試下用這個角度去欣賞《 斷背山 》…

Ennis

Jack

人人都有一個斷背山,你有勇氣上去嗎?



Fatal error: Uncaught Exception: 12: REST API is deprecated for versions v2.1 and higher (12) thrown in /home/chungkaiyan/www/www/wp-content/plugins/seo-facebook-comments/facebook/base_facebook.php on line 1273