我想

Wallace給我的一篇entry

24 九月 , 2007  

難得有人盛讚我,當然要轉貼出來給大家看啦…hahaha…
好感動呀!!!都是頭一次有人打這麼大篇的entry給我~~
其實朋友不是識得耐就是好,緣份就是這麼奇妙。
超級老套都要講句,在全球幾十億、全港七百萬人中都可以相識到,
真是非常難得的。
如果我們都識這樣想,就應該要好好珍惜身邊的每一個家人、朋友、情人。
thanks darling~~嘿嘿
今次就點這首歌給你啦~

每次開電腦既時候除左第一時間開msn之外,就係即刻去yan yan個blog度睇下有冇update到新entry,我記得我同yan yan係係2005年既12月認識,由果日開始就一直keep住睇佢xanga,到到今日既blog(名副其實既忠實fans呀!!!)。

yan yan既blog除左成日都有好多好新既news睇之外,仲有好多佢自己既個人睇法或者回憶既文章,每次從yan yan既日記裡面,我都學習到好多人生道理,唔知點解佢既文字有一種特別既感染力,令我每次睇佢一d回憶文章既時候都會代入左佢既角色而覺得好感動。

雖然我同yan yan識左都就黎有兩年,但對於佢既性格各方面都仍然有一種唔係太了解既感覺,又或者可能我地唔係成日見面既關係掛,不過有樣野我可以好肯定,儘管佢成日話自己份人點現實,但其實我知道佢係一個心地好善良既人,因為每次當我有事稔唔通既時候搵佢傾,佢都冇一次係會唔理我!

今次呢篇entry係專為yan yan而寫~ 有樣野唔知你有冇留意,就係每次當你update左一篇新entry既時候我都會係裡面留一個comment比你,因為我想間接話比你知,雖然我地唔係果d成日會見面既朋友,但係我無時無刻都好關心你既生活!我想比你知道無論發生乜野事我都會支持你!最重要係我想話比你知其實我好重視你呢個朋友!

由你既xanga到到而家既blog,就好似見證住我地既友誼,係裡面,我就好似間接陪住你經歷人生,同時,你亦都間接教識我好多人生道理,我好希望我地呢份友誼會直到永遠,哈哈!!

謝謝你!



Fatal error: Uncaught Exception: 12: REST API is deprecated for versions v2.1 and higher (12) thrown in /home/chungkaiyan/www/www/wp-content/plugins/seo-facebook-comments/facebook/base_facebook.php on line 1273