時裝

我愛黃偉文

2 二月 , 2006  

I succumbed to studying!…當然讀書係唔死得人
只係今日去到CityU後在3pm吃了一碟粉腸..呀唔係..腸粉先o岩
之後溫到9pm canteen打洋時都無再食過野…(我無食早餐同lunch)
當我搭地鐵時先發覺..係wor…我未食飯
之後我就手震腳震頭暈標冷汗…只好攬住條柱挨番去觀塘
去到地鐵站出面的7仔吃了十粒燒賣同飲了一盒蜜瓜奶先不至於餓暈係翠屏道
我不是無錢和無時間吃飯,只是今日溫書溫到”興起”…真的的忘記了
我以前好易血糖低,所以會袋定包朱古力旁身…我諗我依家都要咁做了
大家讀還讀…唔好似我咁讀法~始終身體要緊呢..hehe~

講番今日的主題:我愛黃偉文…係,無錯…係填詞的那個黃偉文

但大家諗起佢就只知佢係填詞,但其實佢最鍾意買野,最憎的是寫字…
雖然係咁,我今天用了$98大元買了他寫出來的第二本時裝書—《潮騷
在書的背面寫著:
「講真,真係唔使每一個人都鍾意我,淨係有型o個班鍾意我就得o勒!
有型,當然係免費o既,但如果肯俾$98蚊支持o下我就仲好。」
身為型人一份子既我就當然要支持啦…哈哈!
不過書的內容就更吸引…有齊我想知(我要知)的時裝資訊~

我十一歲的時係睇Sailormoon打超任傻下傻下的,但十一歲的Wyman就已經開始自己買衫
即係話佢既衫齡有成二十幾年….所以在娛樂圈真正知咩叫fashion既人都只係得佢~
(果佢咩野楊采妮..係唔知邊到讀完個Colour Theory就係度扮晒stylist…唔該啦!
第一: 佢講既所為咩colour襯咩colour…唔駛讀colour theory既人講都講到啦
第二: 佢幫Bossini做styling,我只想問: 咩Bossini d衫要襯的嗎?)

sorry,講番Wyman…以下是書中既序其中一part..打出來俾大家睇下一個真正的時裝精是怎樣的:

同一年暑假,我自中文大學聯合書院的飯堂走出來,遇到幾個我不認識但認得的政治及行政系學生,大大隻隻打波足球籃球咩球都打o個種,隔著一大片草地向我不懷好意的侃笑:「Hey! Supermodel!」(天啊!初中生的行為!) ,原因只不過是我穿了一身Boy London,我當時詐聽唔到,因為我怕略為刁難少少的反駁,他們的心智也無法明白 (而且我怕畀人打),但我心裡面想的是:「有朝一日,你唔好畀我真係變成時裝界人士,而你o地,o你地只會變成五十歲仍然o係街上面笑人supermodel (難得他們竟然識呢個字) 的nobody,到時,都唔知係你好笑o的,定我好笑o的咯!」

當我小家記仇也無所謂,十年前有一本八卦雜誌把我選為品味最差的人之一,今年卻有另一個機構將最佳衣著獎頒給我,而我,十年來跟本無變過,我覺得這個才最好笑。當我taste差真的無所謂,反正這些年來我後不肯認貪靚,只肯認鍾意買o野,衣著,說「最佳」也萬萬不敢當,我最多只是比較「勇敢」而已。但如果我有美麗的地方,我想,一定是美麗在把一樣過去十幾年二十年來一直有被人(善意或惡意)取笑的事情,堅持到變成一樣能讓我出版第二本書的東西。

PS. YanYan生活在一個著衫dull到不能再dull的朋友圈子中,當然一定會有被笑的經歷。所以我今日都係度同大家講,你唔好俾我入到時裝界,唔係到時邊個笑過我 (我仲記得),我就會有仇報仇。睇下到時邊個笑邊個!哈哈!



Fatal error: Uncaught Exception: 190: Error validating application. Application has been deleted. (190) thrown in /home/chungkaiyan/www/www/wp-content/plugins/seo-facebook-comments/facebook/base_facebook.php on line 1273